lipu sitelen pi toki pona li lon ni. sina wile lukin e lipu pi toki ante la, o lukin e sewi o kepeken e nimi tawa.
kin la, sina ken lukin e lipu pi toki ali.
tenpo mun pini la, jan Sonko ali li pilin e ni: tenpo sike li sin. tenpo sike pi soweli suli li pini. tenpo sike pi soweli lili li kama.
tenpo ni la, mi pali e toki musi kepeken nasin Aku (haiku). nasin ni li kama tan ma Nijon. nasin Aku la, toki li jo e linja tu wan. linja pi nanpa wan li jo e kalama luka. linja pi nanpa tu li jo e kalama luka tu. linja pi nanpa tu wan li jo e kalama luka. sitelen mi li toki tan tenpo sike pini tan tenpo sike sin.
taso toki mi li jo ala e kalama e nimi. ona li jo e sitelen lili taso: sitelen luka, sitelen luka tu, sitelen luka.
ilo nanpa li pilin e ni: sitelen lili ni li nimi. o pali: o pana e sitelen lili tan lipu mi tawa lipu ante. ni li ken! taso, nasin pi namako ala la, sitelen lili li pona ala lukin. sina ken kepeken e nasin sitelen nimi Symbola tawa ni: sitelen lili li pona lukin.
jan Nijon li kepeken mute e sitelen lili ni. mi wile sona e ni: nasin seme la mi ken kepeken e ona.
mi jo e sike tu. sike tu mi li walo li pona.
tenpo suno ali la, mi tawa tomo pali tan tomo lape kepeken sike tu. sijelo mi li pilin pona tan ni. pini tawa la mi pilin e wawa. mi ken pali pona tan wawa ni.
tenpo ijo la, mi wile ala kepeken e sike tu. mi ken tawa tomo pali kepeken tomo tawa suli. kin la, mi ken tawa tomo pali kepeken tomo tawa linja. taso, mi tawa kepeken tomo tawa linja la, mi pana e mani mute. mi tawa kepeken tomo tawa suli la, mi pana e mani lili. mi tawa kepeken sike tu la, mi pana ala e mani.
sike tu li pona lon nasin tu. wan la, mi ken kepeken e mani tawa ijo ante. tu la, mi pona e sijelo mi.
kin la, mi ken lili e sike tu. nasin lili la, sike tu li ken lon tomo mi.
mi jo e pilin sin: ken ala ken kama sona e toki ante kepeken toki pona?
o lukin: toki ante li jo e nimi mute, taso toki pona li jo e nimi lili. tan ni la, mi ken sona e ni tan nimi ali pi toki pona: nasin seme la mi toki e nimi ni kepeken toki ante.
nasin ni la, mi ken toki e nimi mute kepeken toki ante. taso, ken la jan pi toki ante li sona ala e ni: mi wile toki e seme…
mi jo e pilin sin: ken ala ken kama sona e toki ante kepeken toki pona?